Mji wa Kisasa Nambogo

Posted on: April 13th, 2018

Mradi wa upimaji viwanja Nambogo  na Katumba Azimio  umetekelezwa kwa ubia kati ya Halmashauri ya Manispaa ya Sumbawanga na Mfuko wa Mafao ya Kustaafu (GEPF), hii itasaidia upatikanaji wa viwanja vilivyopimwa na kuwekewa miundombinu ya msingi  na kusogeza huduma mbalimbali kwa wananchi waishio katika kata za pembezoni za Pito, Molo, Milanzi, Lwiche nk.

LENGO LA MRADI

Lengo kuu la mradi huu wa Nambogo ni kuwa na mji wa kisasa utakaokuwa na huduma mbalimbali ili kupunguza msongamano wa kufuata huduma katika eneo la kitovu cha mji (Central Business District) kwa siku za usoni. Sambamba na hilo, mradi utasaidia kuongeza upatikanaji wa viwanja vilivyopimwa na kuwekewa miundo mbinu ya msingi, hivyo kupunguza kasi ya ujenzi holela.

HALI HALISI YA UPIMAJI

Jumla ya viwanja 2161 vimepimwa katika eneo hilo la Nambogo na Katumba Azimio kwa matumizi mbalimbali ikiwemo makazi, makazi na biashara, shule, huduma za afya, maofisi, kituo cha biashara (Shopping Mall), vituo vya mafuta, viwanja vya michezo na maeneo ya kupumzikia.

viwango vya matumizi ya viwanja.