Kwa mujibu wa orodha ya viwanda iliyopokelewa kutoka katika Halmashauri zote ,Mkoa una jumla ya viwanda 901,(viwanda vidogo sana 809, viwanda vidogo 85, viwanda vya kati 3 na viwanda vikubwa 4.)
Utekelezaji wa kampeni ya “Mkoa wetu, Viwanda Vyetu”.
Katika kutekeleza azma ya Serikali ya awamu ya tano ya kujenga uchumi wa viwanda unaojielekeza katika kufikia Malengo ya Dira ya Maendeleo ya taifa kuwa nchi ya uchumi wa kati ifikapo mwaka 2025, Serikali ilizindua Kampeni ya “ Mkoa Wetu, Viwanda Vyetu” mwezi Novemba 2017. Kampeni hii inalenga ujenzi wa viwanda vikubwa vya kati na vidogo ili kufikia lengo la kila Mkoa kujenga viwanda visivyopungua 100 ifikapo Desemba ,2018.Mkoa umeanza utekelezaji wa kampeni hiyo ambapo hadi kufikia june 30, 2018 jumla ya viwanda vipya vilivyojengwa ni 54. Takwimu za viwanda hivyo kwa kila Halmashauri ni kama ifuatavyo;
Idadi ya viwanda vilivyoanzishwa.
Halmashauri
Lengo
Idadi Ya Viwanda Vipya Vilivyojengwa Kufikia Juni 30,2018
Vikubwa
Kati
Vidogo
Viwanda Vidogo Sana
Sumbawanga MC
25
0
1
13
0
Sumbawanga DC
25
0
0
0
19
Nkasi DC
25
1
0
11
0
Kalambo DC
25
0
0
11
0
Jumla
100
1
1
35
19
Maeneo Yaliyotengwa Kwa Ajili Ya Viwanda
Halmashauri zimetenga Jumla ya hekta 1154.48 kwa ajili ya uwekezaji wa Viwanda katika maeneo mbalimbali. Changamoto kubwa katika maeneo haya ni kutokuwepo kwa Miundo mbinu kama Maji, umeme na barabara pia kutolipwa kwa fidia kwa baadhi wadau waliokuwa wakiyamiliki maeneo hayo hapo awali.
Timu Ya Kuendeleza Viwanda Katika Mkoa
Mheshimiwa Mkuu wa Mkoa aliunda timu maalum itakayofanya kazi ya kuratibu maendeleo ya viwanda katika Mkoa inayojumuisha wadau kutoka sekta ya Umma na sekta Binafsi ili kufanya jitihada za pamoja katika kutekeleza azma ya ujenzi wa viwanda katika Mkoa wetu kwa ufanisi kwa kufanya mambo yafuatayo;
Kuanisha na kuhakiki maeneo ya uwekezaji wa viwanda yaliyotengwa katika kila Halmashauri.
Kuainisha mahitaji ya miundo mbinu kama umeme, maji, barabara na uwanja wa ndege katika maeneo yaliyotengwa na namna ya kuweka mazingira wezeshi ili uwekezaji uweze kufanyika.
Kutangaza vivutio vilivyopo na maeneo ya uwekezaji yaliyopo katika Mkoa wetu ili kupata wawekezaji watakaojenga viwanda na kukuza uchumi wa Mkoa na taifa kwa ujumla.
Kuwatambua wawekezaji wa ndani na wa nje waliowekeza katika Mkoa wetu.
Kuwaunganisha wawekezaji binafsi na taasisi za kifedha zinazotoa mikopo nafuu ili kutatua changamoto za rasilimali fedha kwa wawekezaji wenye nia ya kuwekeza.
